【多圖流出】港女人妻俾wechat狗公偷心又失身。。。

佢係我玩呢個app第一個主動打招呼嘅人,好奇地多謝佢咁支持我嘅每個post,傾左大半日,感覺到佢都係個健談嘅人嚟嘅,後嚟佢就主動問我可唔可以係wechat傾,我話ok呀!之後,我哋就一直都係wechat傾計,而遇見就變得少左上了!

 

就咁樣,開始行左條一錯難回頭的路了。。。

15236933536765.jpg15236933531709.jpg15236933547139.jpg

 

15236933546215.jpg

傻女同佢打招呼後,發覺佢都幾健談,仲好識氹傻女開心,傻女叫佢健健,而佢反擊叫傻女做BB!

傻女同佢真係由朝傾到晚,傾到唔捨得瞓吖!傻女好耐無試過呢d感覺喇,係一種好實在,好舒服嘅感覺!傻女試探式地問佢結左婚未,無意外地俾傻女估中左,佢話已經結婚兩年,傻女心諗點解已婚人士仲玩交友app呢?而且仲可以機不離手咁傾喎!於是當係識多個朋友,傾下心事啦!

 

傾耐左之後,傻女對佢放低左戒心,因爲覺得同佢傾計好舒服,佢亦係個好窩心的人,知道傻女過往的經歷,給予支持和鼓勵,仲話有咩需要幫忙就向佢講,有心事亦可以同佢分享,的確係個好細心嘅人!或者係成日傾計嘅原因啦,佢好似好瞭解傻女咁,傻女諗嘅,想講嘅,都俾佢估中,而傻女對佢都一樣,兩人性格好夾,生活中好多相同愛好!佢對傻女講,每日都好掛住傻女,每日一起身就打開電話Text傻女,而傻女經常失眠,佢返早多數都會同傻女傾住電話,由出門傾到返鋪頭,真係每日如是,上班時間得閒時都會打俾傻女,放工如是傾到返屋企,基本上一日打五六個電話俾傻女!傻女感覺到佢對自己有好感,甚至好緊張傻女,傻女心大心細,因爲佢真係好關心傻女,好在乎傻女嘅感受,就咁傾下傾下,傾出左感情!

 

兩個人唔知點嘅情況下開始左,好奇妙嘅感覺。。。

傻女知道此選擇係條錯嘅路,有提出過分開,但陳生對傻女講好愛佢,叫傻女唔好離開佢,話無左傻女會死,不停地重復講,傻女係個心軟嘅人,亦係個重感情嘅人,所以最終都係留低左,選擇繼續!但傻女問陳生,萬一有日被發現會點,陳生話唔會離開傻女,仲話因爲愛佢,會不離不棄,感性嘅傻女再一次俾軟化,就因爲陳生呢句說話,傻女全心全意投入到呢段感情度,越黎越愛,甚至愛到失去左自己!

1523693355851.jpg

 

15236933552729.jpg15236933555426.jpg15236933562115.jpg

 

15236933561004.jpg

#傻女被攻陷了,此情一錯難回頭丫,唉

1523693356377.jpg15236933576639.jpg

 

15236933574390.jpg15236933576178.jpg

各種的關懷到位,奈何傻女又係個缺乏關愛嘅人,呢d感覺,真係好令人心動,難以抽身,或者係愛情啱萌芽,陳生亦開始向傻女報告行蹤了!所以。。。傻女真係陷入深淵了!

 

其實一直我都無諗過佢係個出嚟搵貪嘅人架,我成日都仲諗住佢真係愛我架,衹係身不由己!但直到最近,不得不唔令我認同了!

不過講真嗰句,我遇到難題,需要用錢解決,佢都會主動開口叫我有需要嘅就對佢講,佢都會幫我解決丫喎!

咁當時佢有俾錢我用,多數係由我網上book房嘅,而佢就後到囉!

我諗,既然我出問題時佢都咁大方幫我解決,嗰小小hotel錢我俾都無所謂啦。。。

#傻女中毒已深。。。

相約見面,睇戲,初見一d都唔陌生,好熟悉,好有親切感!

之後就好似普通情侶咁一個星期拍拖一到兩日,睇戲,唱k,食飯!陳生做得好好,每日必定打5-6個電話俾傻女,翻工放工都會同傻女講住電話,每日如是!

 

有時傻女會覺得自己好衰,好撲街,做第三者!但有時傻女又諗到衹要唔破壞佢家庭,唔影響佢現有穩定生活,咁咪無問題囉!嗰陣嘅傻女真係俾愛情衝昏左頭腦,因爲佢填補到缺乏嘅關愛同疼愛,令傻女抽離唔到,傻女係個好無安全感嘅人,而佢正正俾到傻女缺失嘅感覺,真係錯到落深淵了!

佢同傻女講,佢好愛傻女,唔可以無左傻女,甚至話離婚同傻女走,但講完之後係無實行嘅!但傻女依然相信。。。當傻女工作上遇到問題同困難時,陳生都會主動提出幫助傻女,亦同傻女分析對與錯。。。陳生的確幫佐傻女唔少的,傻女好感恩好感動認識到個如此待佢好嘅男人!

剛開始時傻女都好遷就佢,從來唔會對佢同老婆去邊而呷醋嬲佢嗰啲,當交往時間耐左,傻女就越愛佢,開始霸道開始小氣!有時傻女有頂唔順嘅時候,提出過幾次分手,但每一次佢都係不停地求傻女唔好離開佢,話無左傻女,佢會死!一日兩日不停地打電話,不停留口訊,傻女承認係好愛佢,亦都係口硬心軟,見到佢咁,傻女又繼續同佢一齊,傻女清楚明白係好唔應該,當時嘅傻女因爲愛而捨不得!

同佢一齊有開心有爭吵,有幾次鬧交傻女亦情緒失控傷害佐自己,佢亦因爲傻女,傷害佐自己,呢段感情感覺越嚟越難行,我有諗過不如放低,算啦!但自己好似中左毒咁,而且時常諗翻佢講嗰句感情無分對錯,衹有愛與不愛,因爲愛,我堅定地又繼續!

傻女同陳生嘅繫唔嘈交時真係好恩愛的,傻女爲陳生花了不少的心思,令朋友圈嘅人都好羨慕,但心裡面嘅難受衹係無人知嘖!

15236933588874.jpg15236933582569.jpg15236933585599.jpg15236933584077.jpg